बर्दिया,जेठ १७(फरकसमाचार)/ भारतबाट भन्सार छली ल्याउदै गरेको युरिया मलसहित अन्य सामान प्रहरीले बरामद गरेको छ । गुलरिया नगरपालिका–१० लटकिया स्थितबाट अबैध रुपमा ल्याउदै गरेको मल प्रहरीले बिहीबार बरामद गरेको हो । तीन वटा साइकलमा राखी ल्याउदै गरेको अवस्थामा ४ बोरा डिएपी र १ बोरा युरिया मल बरामद भएको प्रहरीले जनाएको छ ।

प्रहरीका अनुसार बरामद साइकलसहित मलको मुल्य रु १३ हजार ९ सय ५० बराबर छ । त्यसैगरि गुलरिया नगरपालिका–८ भादापुल स्थित चेकजाँच गर्ने क्रममा भारतबाट अबैध रुपमा ल्याईएको मुल्य रु ३ हजार ८ सय २५ बराबरको भाडा बर्तनलगायतका सामान बरामद भएको प्रहरीले जनाएको छ ।

गुलरिया नगरपालिका–८ थपुवा स्थित बेवारिसे अवस्थामा मुल्य रु ९ हजार ५ सय ६० बराबरको किराना सामान फेला परेको छ ।
बरामद अबैध सामान राजापुर भन्सार कार्यालयमा बुझाएको जिल्ला प्रहरी कार्यालयका डिएसपी तुल्सीराम अर्यालले जानकारी दिए ।