बर्दिया,जेठ १८(फरकसमाचार)/ अबैध साल जातको काठसहित प्रहरीले दुई जनालाई पक्राउ गरेको छ । गुलरिया नगरपालिका–७ स्थितबाट प्रहरीले अबैध काठसहित दुई जनालाई बिहीबार पक्राउ गरेको हो ।

पक्राउ पर्नेमा गुलरिया नगरपालिका–३ का ३२ वर्षिय प्रकाश निषाद र ३२ वर्षिय तिलकराम गोडिया रहेका छन् । सशस्त्र प्रहरी सेनामुखबाट खटिएको प्रहरीले टोलीले दुवै जनालाई नियन्त्रणमा लिएको हो ।

भारततर्फबाट नेपालतर्फ ल्याउँदै गरेको अवस्थामा ३ इन्च मोटाई, ४ इन्च चौडाई र ६ फुट लम्बाई रहेको ८ वटा साल जातको काठसहित प्रहरीले दुवै जनालाई नियन्त्रणमा लिएको छ । आवश्यक कारवाहीको लागि डिभिजन वन कार्यालयका बुझाईएको जिल्ला प्रहरी कार्यालयका डिएसपी तुल्सीराम अर्यालले जानकारी दिए ।