बर्दिया,जेठ १९(फरकसमाचार)/ अत्याधिक गर्मीले खाने पानीको हाहाकार मच्चिन सम्भावना बढेको छ । भूमिगत जलस्रोत सुक्दा धारा र बोरिङ गाडिएका उच्च ठाउँका पानी सुकेको छ । बोरिङ र धारामा पानी आउँन छाडेको किसानको भनाई छ । गुलरिया बजार भित्र अधिकांश ठाउँमा धारामा पानी सुकेको जानकारी पाईएको छ ।

जिल्लाका अधिकांश ठाउँमा भूमिगत जलस्रोत सुक्दा पानीको हाहाकार मच्चिने सम्भावना बढेर गएको छ । खडेरीसँगै बढेको तापक्रमले तराई–मधेस क्षेत्रमा पानीका स्रोत सुक्न थालेका छन । यसबाट खानेपानीको संकट बढेको मात्र छैन, खेतमा मकै, चैतेधान, तरकारीलगायतका अन्नबाली सुकेका छन् भने असारे धानका लागि तयार गरिएका ब्याडको गरामा धाँजा फाटेका छन् ।

एक महिना अघि देखि उर्भर भुमिले चिनिएको बर्दियामा वा तराई क्षेत्रमा वर्षा नहुँदा पानीका स्रोत सुक्न थालेका हुन । १५ जेठदेखि उकालो लागेको तापक्रम तराईमा अझै पनि अधिकतम औसत ४३ डिग्रिी नाघेको रर्कडमा देखिएको छ ।

०७९ को हिउँदमा १२.९ मिलिमिटर मात्रै वर्षा भएको थियो । त्यसअघि सबैभन्दा कम हिउँदे वर्षा ०६५ मा ११.५ मिलिमिटर भएको थियो । जब कि हिउँदमा ६०.१ मिलिमिटर वर्षालाई औसत मानिन्छ । यतिबेला धाराको पानी र बोरिङको पानी सुकेको जनगुनासो आईरहेको छ । हिउँदमा कम पानी पर्दा रिचार्ज नहुने भएकाले भूमिगत जल स्रोत समस्या देखिएको बिज्ञ बताउँछन् ।