बर्दिया,जेठ २१(फरकसमाचार)/ जबरजस्ती करणी कसुरमा फरार रहेका एक जनालाई प्रहरीले पक्राउ गरेको छ । ठाकुरबाबा नगरपालिका–५ शाहीपुरका ४१ वर्षिय कालिराम थारुलाई प्रहरीले शुक्रबार पक्राउ गरेको हो ।

जिल्ला अदालतले विस २०८० साल मंसिर १२ गते जबरजस्ती करणी कसुरमा थारुलाई १ लाख ३५ हजार जरिवाना र २ वर्ष ५ महिना ५ दिन कैद सजाय तोकेको थियो ।

अदालतले कैद र जरिवाना तोके देखि थारु फरार रहेका थिए । ठाकुरबाबा नगरपालिका–५ वनबिर स्थित लुकिछिपी हिडिरहेको अवस्थमा प्रहरीले थारुलाई नियन्त्रणमा लिएको हो । थारुलाई नियन्त्रणमा लिई आवश्यक कारवाहीको लागि जिल्ला अदालतमा बुझाएको जिल्ला प्रहरी कार्यालय गुलरियाका डिएसपी तुल्सीराम अर्यालले जानकारी दिए ।