सरसफाईमा युवाको चासो देखिदै
शुक्रबार, असार ०१, २०८१ मा प्रकाशित

सपना बिक

बर्दिया,जेठ ३२/ बढैयाताल गाउँपालिका–८ देखि १२ बिघा फुटबल मैदानसम्म सरसफाई गरिएको छ । प्लान नेपाल र बि–गु्रपको साझेदारीमा संचालित बालविवाह, छिटो विवाह, जबरजस्ती विवाह रोकथाम परियोजना अन्तर्गतका सिओसीका किशोरीहरु र बढैयाताल ८ का प्रतिभाशाली युवा क्लबका किशोरीको समन्वयमा सरसफाई अभियान तथा जनचेतनामूलक कार्यक्रम सम्पन्न भएको हो ।

यस युवा क्लबका युवाहरूले विभिन्न अभियानहरू सञ्चालन गर्दै आइरहेका छन् । फोहोर मैलाका कारणबाट लाग्ने विभिन्न रोगहरूबाट बच्नको लागि र ‘हाम्रो बदैयाताल राम्रो बढैयाताल’ बनाउन का लागि यस सरसफाई अभियान तथा जनचेतनामूलक कार्यक्रम सञ्चालन गरिएको छ ।

युवा क्लबकी अध्यक्ष स्वस्तिका खड्का भन्छिन् परिवर्तन आजैबाट र आफैबाट सुरु गरौं परिवर्तन सम्भव छ । उनी भन्छिन् “युवाहरूले गरेका यस्ता अभियानबाट समाजमा सकारात्मक परिवर्तन देख्न सकिन्छ तेसैले युवा हरु लाई अवसर दिनुपर्छ ।’

प्रतिक्रिया

सम्बन्धित खवर