बर्दिया,असार ४/ विद्यार्थीद्वारा निर्माण सामाग्री प्रदर्शनमा श्री बंगलामुखी राधाकृष्ण थारु माध्यमिक विद्यालय प्रथम भएको छ । दश वटा विद्यालयका विद्यार्थीले निर्माण गरेका सामाग्री प्रदर्शनमा सोमबार बंगलामुखी मावि प्रथम भएको हो ।

दश वटा विद्यालयका विद्यार्थीले निर्माण गरेका सामाग्रीको मुल्यांकनसमेत गरिएको छ । मुल्यांकनमा प्रथम, द्वितिय, तृतिय र सन्त्वना हुनेलाई विद्यालयलाई पुरस्कृत गरिएको छ । प्रथम हुने बंगलामुखीले नगद रु १६ हजार प्राप्त गरेको छ । द्वितिय श्री नेपाल राष्ट्रिय शम्भुशरण माविले रु १२ हजार, तृतिय श्री गौरी शंकर माविले रु ८ हजार र श्री महाकवि देवकोटा मावि सन्त्वना पुरस्कार रु ५ हजार ३ सय ३३ प्राप्त गरेको छ । त्यसैगरि अन्य सहभागी विद्यालयलाई रु २/२ हजार उपलब्ध गरार्ईएको छ । साथै दशै वटा विद्यालयलाई शैक्षिक सामाग्री उपलब्ध गराईएको जनाईएको छ ।

शिक्षा, युवा तथा खेलकुद शाखा गुलरिया नगरपालिकाको आयोजना तथा प्लान इन्टर नेशनल नेपाल र बाँके युनेस्को क्लवको आर्थिक तथा प्राविधिक सहयोगमा नगर स्तरिय विज्ञान, प्रविधि, ईन्जिनियरिङ्ग,कला तथा गणित सम्बन्धि सामाग्री प्रदर्शनी कार्यक्रम सोमबार बंगलामुखी माविको प्राङ्गणमा भएको थियो ।

गुलरिया नगरपालिका अन्तर्गत रहेका दश वटा माध्यमिक विद्यालयका विद्यार्थीले स्थानीय स्तरमा उपलब्ध स्रोत साधनको प्रयोग गरि निर्माण गरेको आकर्षक सामाग्रीले जोकोहीको ध्यान आकर्षण गरेको थियो । प्रत्येक विद्यालयले अलग अलग स्टलमा अलग अलग किसिमका सामाग्री प्रदर्शन गरेका थिए । विद्यार्थीले विज्ञान, प्रविधि, ईन्जिनियरिङ्ग, कला तथा गणित सम्बन्धि विभिन्न किसिमका सामाग्री निर्माण गरेका थिए ।

विद्यार्थीहरुको सिकाई उपलब्धी हासिल गर्नको लागि स्टीम शिक्षा विज्ञान, प्रविधि, ईन्जिनियरिङ्ग, कला तथा गणित विषयको विद्यार्थीहरुमा रहेको क्षमतालाई बाहिर प्रस्पोटन गर्न र प्रविधिसंग जोड्ने उदेश्यले स्टीम शिक्षा सामाग्री प्रदर्शन मेलाको आयोजना गरिएको बाँके युनेस्को क्लव शसक्त बालिका परियोजनाका कार्यक्रम संयोजक गोविन्द प्रसाद लामिछानेले बताए ।

‘छोटो समयमा दश वटा विद्यालयका विद्यार्थीहरुले कला र क्षमतालाई प्रयोग गरेर पढाईसंग सम्बन्धित सामाग्री बनाएर प्रदर्शन गरेका छन्,’ कार्यक्रम संयोजक लामिछानेले भने,‘यो सामाग्री प्रदर्शन मेला जिल्लाको लागि नमुना हो ।’ बाँके युनेस्को क्लवले प्लान इन्टर नेशनल नेपालको साझेदारी र पालिकासंग समन्वय गरेर स्टीम शिक्षालाई विद्यालयमा अनिवार्य शिक्षाको रुपमा अगाडि बढाउन सक्यौं भने प्रतिस्पर्धाको जबनासंग विद्यार्थी भोली लड्न सक्छ । सक्षम विद्यार्थीको रुपमा स्थापित भएर आफ्नो जीवनमा सफल हुन सक्छ कार्यक्रम संयोजक लामिछानेले भनाई राखे ।

विद्यार्थीहरुमा भएको प्रतिभालाई बाहिर निकाल्न प्रदर्शनीले सहयोग पुग्ने गुलरिया नगरपालिका शिक्षा, युवा तथा खेलकुद शाखाका प्रमुख सतिस यादवले बताए । ‘राम्रो वातावरण बनाएर विद्यार्थीमा भएको प्रतिभालाई बाहिर निकाल्ने कन्सेप्टले स्टीम शिक्षाको कन्सेप्ट आएको हो,’ शाखाका प्रमुख यादवले भने,‘यो कन्सेप्टले विद्यार्थीहरुको सिकाई प्रभावकारी हुने विश्वास छ ।’

विद्यार्थीहरुले निर्माण गरेको सामाग्री धेरै राम्रा रहेको गुलरिया नगरपालिकाका प्रमुख प्रशासकीय अधिकृत ओमकार शाहले बताए ।
विद्यार्थीहरुको सिकाईको लागि स्टीम शिक्षा सामाग्री प्रदर्शन कार्यक्रम प्रभावकारी रहेको गुलरिया नगरपालिकाकी उप–प्रमुख सावित्रा गौतमले बताईन् ।

शिक्षा,युवा तथा खेलकुद शाखा गुलरिया नगरपालिकाको आयोजना, प्लान इन्टर नेशनल नेपाल तथा बाँके युनेस्को क्लवको आर्थिक तथा प्राविधिक सहयोगमा सोमबार स्टीम शिक्षा सामाग्री प्रदर्शनी कार्यक्रम सम्पन्न भएको छ ।