मेनका चौधरी

बर्दिया असार ४/ गुलरिया नगरपालिका– ९ रामपुरका २० बर्षिय खगेन्द्र सुनारलाई शनिबार दिउँसो देखि अपहरण शैलीमा भारतीय मुर्तिहाका वन रक्षकले नियन्त्रणमा लिएका थिए । मर्नासन्न कुट्पीट गर्दा एउटा खुट्टा भाचेको अवस्थामा पचास हजार असुल गरेर छाडेको छ । गुलरिया वडा नम्बर ९ का वडा अध्यक्ष हरि प्रसाद पासवान र आमा कलावतीको उपस्थितिमा सुनारको बर्दिया अस्पतालमा उपचार भईरहेको छ ।

सिमा क्षेत्रमा खटिएका भारतीय सुरक्षाकर्मी वन रक्षकले नेपाली माथि ज्यादती गर्दै एक पछि अर्को घटना सार्वजनिक हुदै छ । यसअघि नेपाली भूमिमा प्रबेश गरेर पाँच जना नियन्त्रणमा लिएर बन्यजन्तु अपराधमा भारतीय कारागार पठाएको घटना सेलाउँन नपाउँदै अर्को घटना सार्वजनिक भएको छ । भारतीय वनकर्मीले बिपन्न बर्गका पाँच जनासँग ठूलो रकमको डिमान्ड गर्दा जोहो नगरेपछि झुटा मुद्दामा फसाएको स्थानीयको आरोप छ ।

सिमानामा नेपाली जनतालाई भारती वन रक्षकहरुले असुल गर्न नेपाल भूमिमा प्रबेश गरेर नेपालीलाई नियन्त्रण लिने गरेको सीमाबासीको गुनासो छ । कुटपीट गर्ने धरपकट गर्ने पैसाको लागि विभिन्न आरोपमा अपहरण गर्ने वेपत्ता पारी हत्या समेत गरेका यसअघिको रेर्कडमा देखिन्छ । नेपाल सरकार आफ्नो जनताको सुरक्षाको निम्ती केही सुरक्षामा कडा निगरानी नगरेर मुख दर्शक बनेको गुलरिया नगरपालिका वडा नम्बर ९ का अध्यक्ष हरि प्रसाद पासवानले बताए ।

सीमावर्ती भारत उत्तर प्रदेश राज्य बहराईच जिल्ला अन्तर्गत निशान गाढा रेन्ज पोष्टले पाँच नेपालीलाई वन्यजन्तु अपराधको आरोपमा कारागार चलान गरेको छ । उनीहरुमाथि कतर्नियाघाट वन्यजन्तु सेन्चुरीमा बुधबार अवैध रुपमा प्रवेश गरी माछा मारेको र कछुवा लिएर फर्किएको आरोप भारतीय वनका कर्मचारीले लगाएका छन् ।

भारतीय कारागारमा चलान भएका मधुवन नगरपालिका–४ का सुनिता चौधरी, सुन्दरी चौधरी, राजकुमारी थारु, महिमा चौधरी र रामबहादुर थारु हुन् ।