बर्दिया,असार ४(फरकसमाचार)/ लामो समय देखिको खडेरीले माछा पोखरीमा गरिएको लगानी डुब्ने जोखिम बढेर गएको छ । अन्तिम विकल्पको रुपमा भूमिगत जलस्रोतको प्रयोग गरेर जसोतसो माछा बचाईरहेका व्यबासायीको पोखरीमा गरेको लगानी ‘वालुवामा पानी’ सरह हुने देखिएको छ । मोटरबाट पानी खन्याएपनि अत्याधिक तापक्रमले पोखरी सुक्दै जादा माछा छटपटिएर मर्न थालेका छन् । बिज्ञले माछा बचाउँन पूरानो पानी फालेर चिसो पानी खन्याउँन सुझाएपनि लामो खडेरीले असम्भव जस्तै भएको छ ।

जिल्लामा किसानले अधिकांश ठाउँमा माछा पालनका लागि लगानी गरेपनि बढैयाताल गाउँपालिकालाई नेपाल सरकारले माछा जोनको रुपमा विस्तार गरेको छ । पम्प र कुवा सुक्दा जारको पानी किनेर गुजारा चलाउँन बाध्यता भएको फरक समाचारकर्मी ज्ञानेन्द्र पोखरेलले बताए ।

‘टाढा टाढाबाट टेम्पो वा अटो रिक्सा भाडा लिएर पानी किन्न आउँने किसानको संख्या बढेको देखिन्छ,’उनले भने,‘यस्तै रहे पानीको हाहाकार मच्चिने संभावना बढेर गएको छ ।’ मौसम पूर्वाअनुमान शाखाको बुलेटिनमा अझै तीन दिन पश्चिम तराईमा तातो हावा चल्ने तापक्रम बढ्ने देखाएको छ ।

दुई साता अघि देखि तापक्रम रेर्कडमा ४२ देखि ४८ डिग्री मापन भईरहेको छ । बैशाख दोस्रो साता देखि छिटफुट पानी समेत परेको छैन ।
बर्दिया भएर बग्ने ठूला नदी बबई र कर्णालीमा पानीको सतह सुक्दै गएको आकलन छ । असारे खेतीमा नदीको पानीको निर्भर नदी किनारका किसान बिलखबन्दमा परेका छन् ।नदीमा पानी सतक घटदै गएपछि नदीको पानीले सिचाँई गर्न सकेका छैनन् ।

एक माछा पालक किसान भन्छन्,‘मोटर चलाएर पानी हाल्दा, हाथे पम्प निर्भर ग्रामिण भेगका बासीन्दा झन पिडित छन्,उनीहरुको धारा सुख्छ ।’ भुमिगत जलस्रँोतको प्रयोग गरेर खानेपानी प्रयोग गर्ने हुनाले मोटर चलाएर पोखरीमा पानी हाल्दा आम सर्वसाधरण मर्कामा परेको गुनासो छ ।

बबई सिचाँई आयोजना प्रमुख सुशिल देवकोटाका अनुसार नदीमा पानी नहुँदा नहर प्रणालीमा संचालन ल्याउँन नसक्दा किसान मर्कामा परेको छ । ‘एक साता अघि नदीको पानी थुनेर भएपनि नहमार पानी हाल्यौ,’उनले भने,‘बबई नदीमा पानी नहुँदा समस्या भईरहेको छ,किसानको माग यो बेला झन बढि छ ।’