बर्दिया,असार २४(फरकसमाचार)/ च्याउ टिप्न गएको बेला नालाले बगाएर बेपत्ता बनाएको महिलाको शव फेला परेको छ । मधुवन नगरपालिका–५ गाउँ नंम्बर १० शक्तिपुरकी अन्दाजी ३५ वर्षिय शान्त खड्काको सोमबार बिहान शव फेला परेको हो ।

नेपाल भारत सिमाको ७९ नंम्बर पिलर दशगजा देखि एक सय मिटर भारत तर्फ फकलपुरस्थित जंगलमा खड्का आइतबार च्याउ टिप्न गएकी थिईन् । उक्त स्थानमा रहेको नाला तर्ने क्रममा खड्का बेपत्ता भएकी थिईन् ।

नालाले महिलालाई बेपत्ता बनाएको जानकारी पाउनसाथ सशस्त्र प्रहरी र नेपाल प्रहरीले खोजतलासको लागि भारतीय सुरक्षाकर्मीसंग समन्वय गरेका थिए । खोजतलासका क्रममा भारत फकलपुर बर्दिया भन्ने गाउँ स्थित रहेको नहरमा आइतबार बिहान ८ बजे बेपत्ता महिलाको शव फेला परेको छ । आफन्तले शव जंगलको बाटो हुँदै नेपालतर्फ ल्याईरहेको प्रहरीले जनाएको छ ।