बर्दिया,साउन ७(फरकसमाचार)/ गुलरिया नगरपालिका र बढैयाताल गाउँपालिकामा एक सय ५० जनाले एकैदिन बृक्षारोपण गरेका छन् । युवा गोचाली क्लवको आयोजनामा गुलरिया नगरपालिका–११, १२ र बढैयाताल गाउँपालिका–७,८ र ९ मा आइतबार बृक्षारोपण गरिएको हो ।

वातावरण स्वच्छ र सफा बनाउन घर घरमा बोटबिरुवा लगाउनुपर्ने बृक्षारोपण कार्यक्रमका प्रमुख अतिथि बिर बहादुर थारुले बताए ।
विजयसाल, राजबृक्ष, छाटिवन, निम, बेल, रिठा, धुपि, सिमल, जामुन, सितलचिनी, बर्राे, कोईरालो, मसला, निम्बु, सुन कागती र अम्वा लगाएतको बिरुवा बृक्षारोपण गरेका छन् ।

बृहत बृक्षारोपण कार्यक्रममा युवा गोचाली क्लवका अध्यक्ष सिद्वान्त थारू, बढैयाताल गाउँपालिका– ९ का अध्यक्ष वीर बहादुर थारू, वडा नं.७ का अध्यक्ष राधेश्याम थारू, युवा गोचाली क्लवका निवार्तमान अध्यक्ष बजारू थारू, नमुना युवा संसदका अध्यक्ष स्वास्तिका खड्का, वडा नं. ९ का सचिव नवीन थारू, गाउँ टोलका वड्घरहरू, सिओसी, गाउँघरका अभिभावकहरू तथा युवा गोचाली क्लवका पदाधिकारीहरु लगायतको उपस्थिती रहेको थियो ।