बर्दिया,साउन ९(फरकसमाचार)/ सुरक्षाकर्मी भन्छन्,‘सत्यतथ्य आधारित सूचना आउँदैन,तस्करी रोक्ने सबै पक्षिय दायित्व हो ।’व्यबसायी भन्छन्,‘स्थानीय प्रशासन मार्फत माथिल्लो तहसम्म कुरा पुराउँदा पनि खुला सीमाबाट हुने अबैध कारोबारको अवस्था जस्ताको त्यस्तै छ ।’ माथील्लो प्रसंग जस्तै दुबै तर्फी कुरा विच व्यबसायी, सुरक्षाकर्मी, सरोकारवाला विचको समन्वय बैठक मंगलवार जिल्ला प्रशासनको सभा हलमा सम्पन्न भएको छ ।

जिल्ला प्रशासन कार्यालयको आयोजना तथा घरेलु तथा साना उद्योग कार्यालयको सहकार्यमा उपभोक्ता हित संरक्षण, बजार व्यवस्थापन लगायतको विषयमा मंगलबार आयोजित समन्वय बैठकमा उद्योग वाणिज्य संघका पदाधिकारीले खुला सत्रमा बोल्दाको निष्र्कषमा खुला सीमामा तस्करी बेरोकटोक चलिरहेको खुलासा गरिएको छ ।

सिमानामा कडाई नहँुदा स्थानीय व्यवसायीहरु धारासायी बनेको उद्योग वाणिज्य संघ गुलरियाका अध्यक्ष देवेन्द्र पाण्डेले बताए । ‘खुल्ला सिमानामा कडाईको लागि विगतमा जिल्ला प्रशासनलाई पटक पटक ज्ञापन पत्र बुझाएका छौं,’अध्यक्ष पाण्डेले भने,‘तर सुनुवाई नहुँदा स्थानीय व्यवसायीहरु मर्कामा परेका छन् ।’ त्यसैगरि पछिल्लोसमय बढेको बैंक व्याजले पनि उद्योगी व्यवसायीमा निरुत्साहित भएको अध्यक्ष पाण्डेले भनाई राखे ।

खुल्ला सिमानामा सशस्त्र प्रहरी र प्रहरी खटिदा समेत अबैध सामान भित्रिरहेको उद्योग वाणिज्य संघ मधुवनका अध्यक्ष दुर्गा रिमालले बताए । ‘सिमामा बरामद हुने अबैध सामान भित्रिसकेको अवस्थामा छापा मारेर बरामद गरिन्छ,’अध्यक्ष रिमालले भने,‘सिमामा खटिएका प्रहरीको सेटिङ्गमा सामान आएको हुन्छ ।’ त्यसैले व्यवसायी र प्रहरी प्रशासन बिचको सुमधुर सम्बन्धको जरुरी रहेको भनाई अध्यक्ष रिमालले राखे । उपभोक्ता हितमा उठेका सवालको जवाफ सम्बन्धित कार्यालयका प्रतिनिधिहरुले दिएका थिए ।

खुल्ला सिमाना भएको कारणले लागुऔषध लगायत चोरी पैठारीको समस्या रहेको प्रमुख जिल्ला अधिकारी रुद्रादेवी शर्माले बताईन् । ‘त्यसलाई रोक्न हामीसंग भएको सिमित स्रोतसाधन परिचालन गरेका छौं,’प्रजिअ शर्माले भनिन्,‘त्यस्ता गतिविधि रोक्न सम्पुर्ण जिम्मेवार नागरिकको भुमिका रहन्छ ।’

आफु प्रजिअको भुमिकामा आएको डेढ महिना भयो तर, कहि कतैबाट गलत काम भईरहेको जानकारी आएको छैन । तस्करी रोक्न सहि सूचनाको भोका छौ, तथ्य सूचना खाचो हामीलाई परिरहेको प्रजिअ शर्माले औल्याईन । तर,कपोकल्पित र भ्रामक सूचना फैलाउँने कसैलाई छुट दिन नसकिने उनले चेतावनि दिईन् ।

जिल्लाको ८३ किलोमिटर खुल्ला सिमाना छ । निगरानी गर्न हामीसंग उपलब्ध सशस्त्र प्रहरीको जनशक्तिको क्यालकुलेशन गर्न एक सशस्त्र प्रहरी बराबर ५ किलोमिटर सिमा हेर्ने भाग पर्छ । कम्सेकम यहाँ यस्तो गलत काम भएको जानकारी दिनुस् । अनि कारवाही भएन भनेर हामीसंग प्रश्न गर्नुस् ? प्रजिअ शर्माले प्रतिप्रश्न गर्दे भनिन् । बिना तथ्य आरोप लगाउने र आफु पन्छिने नहुने उनी तर्क गर्छिन । उपभोक्ता हितमाथि खेलवाड गर्नेलाई छुट हुदैन । हाम्रो जिल्लालाई राम्रो बनाउन, यहाँका उद्योग प्रवद्र्धन गर्न र रोजगारी सिर्जना गर्ने कसैलाई पनि चिन्ता नभएको भेटेको प्रजिअ शर्माले सुनाईन् ।

समन्वय बैठकमा प्रजिअ रुद्रादेवी शर्मा,सहायक प्रजिअ रोशन कुमार कठायत, जिल्ला समन्वयका प्रमुख सुर्य बहादुर बिष्ट,प्रहरी उपरीक्षक प्रविण धिताल,सशस्त्र प्रहरीका डिएसपी, गुलरिया नगरपालिकाकी उप–प्रमुख सावित्रा गौतम, प्रमुख प्रशासकीय अधिकृत ओमकार शाह, नागरिक समाज संजालकी संयोजक हेमा सुनार, आठ वटै उद्योग वाणिज्य संघका पदाधिकारीलगायत सरकारी कार्यालयका प्रमुखहरुको उपस्थिती रहेको थियो ।