बर्दिया,भदौ १३ / एकैदिन लागू औषधसहित तीन जनालाई प्रहरीले पक्राउ गरेको छ । बढैयाताल गाउँपालिका–७ स्थितबाट लागू औषधसहित बाँके बैजनाथ गाउँपालिका–८ टिटिहिरियाका २३ वर्षीय सरोज कुमार थारु र २३ वर्षीय रुपेश थारुलाई प्रहरीले बिहीबार पक्राउ गरेको हो ।

उनीहरु दुवै जना भारतबाट नेपालतर्फ आईरहेको अवस्थामा नियन्त्रणमा लिई चेकजाँच गर्दा २ सय ६० मिलिग्राम लागू औषध ब्राउन सुगर जस्तो देखिने खैरो रङ्गको गिलो पदार्थ फेला परेको प्रहरीले जनाएको छ ।

त्यसैगरि बढैयाताल गाउँपालिका–८ सिमापुर स्थित भारतबाट नेपालतर्फ आउँदै गरेका मधुवन नगरपालिका–९ का २५ वर्षीय आशिक तामाङ नियन्त्रणमा लिई चेकजाँच गर्दा ३ सय ६० मिलिग्राम लागू औषध ब्राउन सुगर जस्तो देखिने खैरो रङ्गको गिलो पदार्थ फेला परेको प्रहरीले जनाएको छ ।

तीनै जनालाई नियन्त्रणमा लिई बिहीबार अदालतबाट ५ दिनको म्याद लिई थप अनुसन्धान भईरहेको डीएसपी चक्र बहादुर डमरपालले जानकारी दिए ।