बर्दिया,भदौ १५(फरकसमाचार)/ नेपाल फार्मेसी संघको अध्यक्षमा कृष्ण प्रसाद पौडेल निर्वाचित भएका छन् । नेपाल फार्मेसी संघ बर्दियाको दोस्रो साधारण सभा तथा प्रथम जिल्ला अधिवेशनबाट शनिबार अध्यक्ष पदमा पौडेल निर्वाचित भएका हुन् ।

निर्वाचन प्रक्रियामा गई सर्वसम्मत अध्यक्ष पदमा पौडेल चयन भएको निर्वाचन अधिकृत दिपक बहादुर थापाले जनाए । भुरिगाउँ स्थित रहेको केपी पोलिक्निकका पौडेल संचालक हुन् । उनले विगत २० वर्षदेखि भुरिगाउँमा पोलिक्निक संचालन गर्दै आएका छन् । पौडेल सबै सामु लोकप्रिय भएको कारणले अन्य फार्मेसी व्यवसायीले उनलाई अध्यक्ष पदमा चयन गरेका छन् ।

उपाध्यक्ष पदमा सुजन शर्मा, विशाल अधिकारी चयन भएका छन् भने महासचिवमा विनोद कुमार देमन देउरा,सचिवमा खेमराज खनाल, कोषाध्यक्षमा सरस्वती चौधरी,सहकोषाध्यक्षमा सुस्मीता सिटौला चयन भएका छन् । सदस्यमा मनिषा न्यौपाने, विपना न्यौपाने, नविन रेग्मी,सुदिप चौधरी, प्रकाश चौधरी र हिक्मत वली रहेका छन् ।

फार्मेसी व्यवसायीको हकहितको लागि संगठनको आवश्यकता खड्किदा जिल्ला कार्य समिति गठन गरिएको छ । नेपाल फार्मेसी संघ लुम्बिनी प्रदेशका अध्यक्ष खेमराज तिवारीको अध्यक्षता तथा नेपाल फार्मेसी संघका केन्द्रिय सचिव ध्रुव कुमार शर्माको उपस्थितीमा १३ सदस्यीयको जिल्ला कार्य समिति गठन भएको छ ।