बर्दिया, कार्तिक ३०(फरकसमाचार) / गुलरियामा नेकपा एमालेले जिल्ला स्तरीय जनप्रदर्शन गरेको छ । एमालेले विघटन प्रतिनिधिसभा पुनस्र्थापनाको माग गर्दै वडा, पालिका हुँदै शनिबार जिल्ला स्तरीय जनप्रदर्शन गरेको हो । नेकपा एमाले जिल्ला कमिटीको आयोजनामा शनिबार निकालिएको ¥याली बजार परिक्रमा गरि गुलरिया नगरपालिका–६ राधाकृष्ण चोकमा कोण सभामा परिणत भएको थियो ।

¥यालीका सहभागि नेता तथा कार्यकर्ताहरुले विघटन प्रतिनिधिसभा पुनस्र्थापना गर, प्रतिगामी पड्यन्त्र मुर्दावाद, केपी ओली आइलभयु, नेकपा एमाले जिन्दावाद, हत्या हिंसा, आंतक बन्द गर, भदौ २३ र २४ गते भएको अपराधिक घटनाको निष्पक्ष छानबिन गरलगायतको चर्को नारा लगाएका थिए ।

कोण सभालाई सम्बोधन गर्दै देशमा नेकपा एमालेको नेतृत्वको सरकारले शिर निहुरिने काम नगरेको बाँसगढी नगरपालिकाका नगर प्रमुख एवंम् नेकपा एमाले केन्द्रिय कमिटीका सदस्य खड्क बहादुर खड्काले बताए । ‘हामी दुई ठुला देशको बिचमा छौं,तर पनि आफ्नो राष्ट्रियतालाई स्वतन्त्रपुर्वक बचाईरहेका छौं,’उनले भने,‘जसकारण एमालेले गरेको सकारात्क कार्य जनताको माँझ पु¥याउनुपर्छ र जनविरोधी र जनघातीहरुले गरेका गलत कार्यको भन्डाफोर गर्नुपर्छ ।’

जनतासंग जोडिएको समस्यालाई समाधान गर्न गठित आयोगलाई वर्तमान सरकारले विघटन गरेको नेकपा एमालेका जिल्ला अध्यक्ष सालिकराम अधिकारीले बताए । ‘अहिले अदालतले त्यो आयोगलाई विघटन नगर्नका निम्ति निर्देशन दिएको छ,’अध्यक्ष अधिकारीले भने,‘त्यसैले गठित आयोगले भुमिहीन जनताको समस्या समाधान गर्न माग गरिरहेका छौं ।’