मङ्गलबार, साउन १९, २०७८
मा प्रकाशित
0
Shares
छलाङ मार्दै बाँसगढीका सामुदायिक बिद्यालय
राम प्रसाद चौहान
बर्दिया, साउन १९
‘म अनलाईन कक्षा पढ्छु, बाँसगढी सामुदायिक बिद्यालयका एक बिद्यार्थीले भनिरहँदा अर्का बिद्यार्थीले भने,‘कोभिडको कारणले म पनि अनलाईन कक्षामा अभ्यस्त छु ।’ तर दुई बिद्यार्थी भने भिन्न भिन्न बिद्यालय पढ्ने बिद्यार्थी हुन । माथी उल्लेखित कुराले अगामी शैक्षिक सत्रको तयारी गरिरहेको बाँसगढी नगरपालिका सामुदायिक बिद्यालयले शिक्षामा छलाङ्ग मारेको पुष्टि गर्छ । ईन्टरनेट, कम्प्यूटर, प्रिन्टर जस्ता
आईटिका सामाग्री नजिकिएका ती बिद्याथीलार्ई अगामी शैक्षिक क्षेत्रसम्म अभ्यस्त गराउँने नगरपालिकाले योजना बुनेको छ ।
जिल्लाका आठ वटै स्थानीय तह अन्र्तगतका विद्यालयहरु स्थानीय पाठ्यक्रम निर्माण गर्ने क्रममा छन् । जसमा ठाकुरबाबा नगरपालिका, बारबर्दिया नगरपालिका र बाँसगढी नगरपालिकाले स्थानीय पाठ्यक्रम निर्माण गरी सार्वजनिक गरिसकेको शिक्षा विकास तथा समन्वय इकाई बर्दियाकी प्रमुख रेविका अमात्यले बताईन् ।
बाँसगढी नगरपालिकाले विषेश गरी गुणस्तरीय शिक्षा लागु गर्ने उदेश्यले ४ वटा क्याम्पसमा प्राविधिक शिक्षा संचालन गरेको छ । अत्ति विपन्न साईन्स पढ्ने जेहनदार विद्यार्थीलाई नगर प्रमुख छात्रबृत्ति कोषबाट पढाउन सुरु गरेको उप–प्रमुख सुष्मा चौधरीले बताईन् ।
शिक्षा शाखाको बजेट सिलिङबाट विपन्न विद्यार्थीलाई खाजा सपोर्ट कार्यक्रम संचालन भईरहेको छ । अत्ति विपन्न विद्यार्थीका अभिभावकले तिर्ने विद्युत शुल्क मिनाहा गरेको उपप्रमुख चौधरीले बताईन् । कोभिड महामारीको कारण विद्यार्थीहरुको बैकल्पिक शिक्षामा सहयोग पु¥याउने उदेश्यले विद्यालयलाई कम्प्युटर र प्रिन्टर वितरण गरेको समेत उनले जानकारी दिईन् ।
सकि नसकी बोडिङ्ग पढाउने अभिभावकहरुको रहरलाई स्कुलबाट सुरु गर्ने उदेश्यले अघि बढेकोे उप–प्रमुख चौधरीको भनाई छ ।
पछिल्लो समय बाँसगढी नगरपालिकाले शिक्षा क्षेत्रमा राम्रो गर्दै गएको स्थानीयको भनाई छ । नगर शिक्षा शाखाका प्रमुख छत्र बहादुर शाही आएको ६ महिनाको अवधिमा शैक्षिक क्षेत्रले फड्को मार्दै अगाडी बढेको स्थानीयको भनाई छ ।
बाँसगढी नगरपालिका शिक्षा शाखाले शैक्षिक प्रोफाईल तयारी गर्ने कार्य अघि बढाएको शाखाका प्रमुख छत्र बहादुर शाहीले बताए । आगामी शैक्षिक गुणस्तर योजना तथा कार्यक्रम तय गरी लागु गर्नको निमित्त प्रत्येक पालिकाले शैक्षिक प्रोफाईल बनाउनु पर्छ, हामी पनि त्यही बनाउने कार्यमा लागेको बताए ।
नगर शिक्षा क्षेत्र अन्र्तगतका ४० सामुदायिक विद्यालय र १७ संस्थागत गरी ५७ वटा विद्यालयहरुको नियमित अनुगमन गरी आवश्यक सुधार गर्दै गएको शाहीले बताए । उनका अनुसार प्रभावकारी शिक्षाको लागि विद्यालयका प्रधानाध्यापकहरुसंगै नियमित छलफल गरी अघि बढिरहेको छ ।
विद्यालयमा नयाँ प्रविधि इमेल ईन्टरनेट द्वारा अध्यापन गराउन ४० वटै सामुदायिक विद्यालयमा नेट जडानको योजना रहेको छ । जसमा ३० वटा विद्यालयहरुमा ईन्टरनेट सेवा जडान भईसकेको उनले जानकारी दिए ।
‘म सरुवा भएर आउँदा अधिकांश विद्यालयहरुमा विद्यालय व्यवस्थापन समिति थिएनन्, अहिले सबै विद्यालयमा व्यवस्थापन समिति गठन सम्पन्न भईसकेका छन्’ । हालै बाँसगढी नगरपालिका क्षेत्रका विपन्न परिवारका २० जना विद्याथीहरुलाई जनही २५ हजारका दरले शिक्षा शाखाले छात्रबृत्ति वितरण गरेको छ ।
उनका अनुसार नगर शिक्षा शाखा क्षेत्रको ५७ वटै विद्यालयको शैक्षिक, भौतिक, आर्थिक र नैतिक समग्रलाई समेटि शैक्षिक स्थिती पत्र निर्माणको कार्य अन्तिम चरणमा रहेको छ । यस पत्रले नगरका सबै विद्यालयको भौतिक स्थिती, सिकाई उपलब्धी, खानेपानीको अवस्था लगायत शैक्षिक ऐतिहासलाई झल्काउनेछ ।
कोभिडका कारण विद्यालयमा विद्यार्थीको भौतिक उपस्थितीमा पठनपाठन गराउन नसकेकोले कक्षा १ देखि १० सम्मको लागि अभ्यास पुस्तिका निर्माण गरिरहेको बताए । पुस्तिका निर्माण गरि विद्यार्थीलाई उपलब्ध गराउने र १५÷१५ दिनको अन्तरालमा शिक्षकहरु टोल टोलमा गई मुल्याङ्कन गर्ने योजना शिक्षा शाखाले बनाएको छ । विद्यालयमा सहयोग मुलक कार्यक्रम ल्याउन विभिन्न संघसंस्थाहरुसंग समन्वय गरिरहेको शाहीले जानकारी दिए ।
बाँसगढी नगरपालिकाले शैक्षिक क्षेत्रमा सुधार गर्दै गएको छ । कक्षा १ देखि ३ सम्मका बालबालिकाको प्रतिमिनेट शुद्धसंग पढ्ने क्षमता बृद्धि हुनुका साथै पढेका कुरा बुभ्mने क्षमतामा सुधार भएको प्रारम्भिक कक्षा पढाई कार्यक्रमका जिल्ला संयोजक रामकृष्ण हुमागाईले बताए ।
विद्यालयलाई व्यवस्थित, शैक्षिक स्तरको विकास र भौतिक संरचना निर्माणको कार्यमा नगर शिक्षा शाखाका प्रमुख शाहीले विषेश चासो देखाएको जनता माध्यमिक विद्यालयका प्रधानाध्यापक ढाकाराम ढकालले बताए । विद्यालयको गतिविधि अवलोकन गरी आवश्यक सल्लाह सुझाव दिने गरेको प्रधानाध्यापक ढकालले बताए ।
