पर्यटकिय क्षेत्र सुनसान

क्रिसमसमा वाह्य पाहुना विहिन ठाकुराद्धारा भएपनि गुड फ्राईडे, अंग्रजी नयाँ वर्ष मनाउँन, निकुञ्जमा जंगल सफारी गर्ने उदेश्य, निकुञ्जमा सजिलै बाघ देख्न पाउँने आशमा र होटल व्यबसायीले प्याकेजको घोषण गरेपछि त्यस्ता अवसर छोपेर पछिल्लो समय आन्तरिक पर्यटक आउँने ट्रेनले पाहुना आउँन थालेपछि व्यवसायी आशावादी भईरहेको पर्र्यटन व्यसायी बताउँछन् ।

फरकसमाचार संवाददाता
बर्दिया, पुस १२ / क्रिसमस नेपाली मितिले पुस १० प¥र्यो । क्रिसमस पश्चिमको गन्तव्य ठाकुरद्धारा पर्यटन व्यबसाय हर्ष उल्लासका साथ मनाए । तर बिगतका वर्षमा जस्तो वाह्य पाहुना क्रिसमस डेमा सरिक नहुँदा पर्यटन व्यवसायीले खल्लो माने । वाह्य पर्यटकको लागि नयाँ वर्ष पछि अफ सिजन भएपनि नयाँ वर्ष मनाउँनका लागि वाह्य पर्यटक बस्ने गर्छन । पर्यटक नहुदा क्रिसमसले ठाकुरद्धारा छुन नसकेको गैडा क्याम्प रिसोर्टका संचालक राम जी थापाले बताए ।

पर्यटकले खचाखच भरिने पश्चिम नेपालकै पर्यटकीय गन्तव्य बर्दिया राष्ट्रिय निकुञ्ज अहिले सुनसान छ । चैत ११ गते सरकारले लकडाउन सुरु गरेपछि वन्यजन्तु अवलोकन गर्न आउने स्वदेशी र विदेशी पर्यटकले आएका छैनन् । लकडाउनमा फसेका पर्यटकले ठाकुरद्धारा छाडिसकेको अर्का व्यबसायी शंकर भट्टराईले बताए ।‘गोरा देख्न नपाएको लामो समय भईसक्यो,’उनले भने ।

कोभिड—१९ महामारीका कारण पर्यटन व्यबसाय शून्य अवस्थामा पुगेको छ । पर्यटक आउन छाडेपछि पर्यटन उद्योग धराशायी बनेका छन् ।
अधिकांश होटल संचालकले बिदा दिएका कर्मचारीलाई बोलाएका छैनन । होटल वा रिसोर्टका ढोका बन्द जस्तै छन् ।अधिकांश कर्मचारीलाई घर बिदा दिईएको छ । ‘हामी होटल व्यवसायी त नराम्ररी धराशायी भयौं । पाँच महिनाको अवधिमा करिब ४० लाख रुपैयाँ बराबरको कारोबार हुन्थ्यो । लकडाउन पछि त कारोबार ठप्प हुँदा आम्दानी पनि शून्य छ,’थापाले दुखेसो गरे ।

कोरोना महामारी रोकथामका लागि गरिएको लकडाउनमा पर्यटन व्यवसायीलगायत धेरैको आय आर्जनको अवसर गुमेको उनले सुनाए ।,‘अब कहिले सम्म यस्तो अवस्था रहने हो,व्यबसायीमा अन्यौल छाएको छ । ‘हाम्रो व्यवसाय धरापमा पर्यो,’उनले भने । बैंकको ऋण छ । व्यापार छैन । बैंकले धमाधम ब्याजको ताकेता गरिरहेका छन् । कसरी ऋण तिर्ने हो मानसिक तनाव बढ्न थालेको सुनाए ।

करौडौ लगानीमा लगानीमा संचालन भएको २३ वटा रिसोर्टमा खुलेपनि वाह्य ग्राहक छैनन । पर्यटन वर्ष २०२० लाई लक्षित गर्दै करोडौंको लगानीमा खुलेका होटल यतिखेर व्यवसायविहीनको अवस्थामा छन् । पर्यटन वर्षलाई मध्यनजर गर्दे होटल बिस्तार गरेका थिए । कोरोना महामारीले व्यबसायी पूर्ण रुपमा डुबेको थारु होमका सञ्चालक तथा पर्यापर्यटन विकास मञ्च बर्दियाका अध्यक्ष मोहनलाल चौधरी बताउँछन् ।
पर्यटन व्यवसाय चौपट भइरहँदा घरेलु उत्पादन खपत नहुन्दा किसान समेत निराश भएका छन् ।

पर्यटकको शून्य आवागमनले निकुञ्जको राजस्वसमेत प्रभावित बनेको छ । ठाकुरद्वारा क्षेत्रमा होटल व्यवसायमा संलग्न ५ सय जना कर्मचारीको रोजगारी गुमेको छ । व्यवसायीले निकुञ्जमा थपिएको दस्तुर घटाउनुपर्ने माग गरेका छन् ।

यसले पर्यटकलाई निकुञ्ज घुम्न आर्कषण गर्न सक्ने अध्यक्ष थारु बताउँछन् । तर गुड फ्राईडे, अंग्रजी नयाँ वर्ष मनाउँन, निकुन्जमा जंगल सफारी गर्ने उदेश्यले र निकुन्जमा सजिलै बाघ देख्न पाउँने र होटल व्यबसायीले प्याकेजको घोषण गरेपछि आन्तरिक पर्यटक आउँने ट्रेन्ड बढेपछि त्यस्ता अवसर छोपेर पछिल्लो समय पाहुन आउँन थालेपछि व्यवसायी आशावादी भईरहेको व्यसायी बताउँछन् ।