बर्दिया,मंसिर ८(फरकसमाचार) / लागु औषधसहित एक जनालाई प्रहरीले पक्राउ गरेको छ । बढैयाताल गाउँपालिका–२ फुटाह स्थितबाट लागु औषधसहित एक जनालाई शुक्रबार दिउँसो पक्राउ गरि आइतबार प्रहरीले सार्वजनिक गरेको हो । पक्राउ पर्नेमा बाँके कोहलपुर नगरपालिका–३ मैटहवाका ३८ वर्षिय किस कुमार थारु रहेका छन् ।

थारु भारतबाट शंकास्पद रुपमा नेपालतर्फ आईरहेको अवस्थामा नियन्त्रणमा लिई चेकजाँच गर्दा लागु औषध फेला परेको प्रहरीले जनाएको छ । थारुको साथबाट २ ग्राम ७ सय ९० मिलिग्राम लागु औषध ब्राउन सुगर जस्तो देखिने खैरो रंगको गिलो पदार्थ फेला परेको प्रहरीको दावी छ ।

थारुलाई नियन्त्रणमा लिई इलाका प्रहरी कार्यालय मैनापोखरमा राखी थप अनुसन्धान भईरहेको डीएसपी देवेन्द्र कुमार मल्लले जानकारी दिए ।