बर्दिया,मंसिर ९/ लागु औषधसहित एक जनालाई प्रहरीले पक्राउ गरेको छ । गुलरिया नगरपालिका–११ गणेशपुर स्थितबाट लागु औषधसहित एक जनालाई प्रहरीले सोमबार पक्राउ गरेको हो । पक्राउ पर्नेमा गुलरिया नगरपालिका –५ का २१ वर्षीय दिपक थापा क्षेत्री रहेका छन् । शंकास्पद रुपमा पैदल हिडिरहेका क्षेत्रीलाई नियन्त्रणमा लिई चेकजाँच गर्दा लुकाई छिपाई राखेको अवस्थामा ३ सय ७० मिलिग्राम लागू औषध ब्राउन सुगर जस्तो देखिने खैरो पदार्थ फेला परेको प्रहरीले जनाएको छ । क्षेत्रीलाई नियन्त्रणमा लिई थप अनुसन्धान भईरहेको डीएसपी देवेन्द्र कुमार मल्लले जानकारी दिए ।