अभिनव कुमार पाठक

बर्दिया, मंसिर १४/ अटो र मोटरसाइकल दुर्घटना हुँदा चालकसहित चार जना घाइते भएका छन् । बढैयाताल गाउँपालिका–८ पशुपतिबजार चोकमा शनिबार बिहान पौने १० बजे अटो र मोटरसाइकल एक आपसमा ठोक्किँदा चार जना घाइते भएका हुन् ।

नेपालगञ्जबाट गुलरियातर्फ आउँदै गरेको भे १२ प ६१९४ नंम्बरको मोटरसाइकल र विपरीत दिशाबाट जाँदै गरेको भे १ ह ६५२१ नंम्बरको विद्युतीय अटो एकआपसमा ठोक्किएर दुर्घटना भएको प्रहरीले जनाएको छ ।

गुलरिया नगरपालिका–११ लालपुरका करिब ६१ वर्षीय इस्लाम अली र ५७ वर्षीया मुनिया अली गम्भिर घाईते भएकी छन् । दुवैको नेपालगंज स्थित उपचार भईरहेको छ । यस्तै मोटरसाइकल चालक मनि प्रसाद थारु र अटो चालक तुलसीराम बडई पनि सामान्य घाईते भएका छन् ।
मोटरसाइकल चालक थारु र अटो सालक बडईलाई नियन्त्रणमा लिई थप अनुसन्धान भईरहेको इलाका प्रहरी कार्यालय मैनापोखरका प्रमुख प्रहरी निरीक्षक अच्युत गिरीले जानकारी दिए ।