दलबहादुर सुनार
बर्दिया मंसिर २८ उद्योग बाणिज्य संघ बढैयातालको भवन निमार्णको लागि बढैयाताल गाउँपालिकाले १५ लाख अनुदान दिने घोषणा गरेको छ ।

बढैयाताल गाउँपालिका–६ मैनापोखरमा उद्योग बाणिज्य संघको भवन शिलान्यास कार्यक्रममा गाउँपालिकाका अध्यक्ष लाल बहादुर श्रेष्ठले भवन निमार्णको लागि १५ लाख अनुदान सहयोग दिने घोषणा गरेका थिए ।

भवनको शिलान्यास गर्दै अध्यक्ष श्रेष्ठले यो भवनको निमार्णको कार्य सिघ्रगतिमा बढने छ भन्दै उद्योगी ब्यापारीहरुको मन्दिर निमार्णको शिलान्यास भएको छ । यो मन्दिर निमार्णको लागतको ५०% पालिकाले सहयोग गर्ने घोषणा गर्दै र ५०% उद्योग ब्यापार संघले उठाउने प्रतिबद्धता जनाउनु पर्ने बताएका दिए । बर्दिया जिल्लाका सबै पालिकाका उद्योग बाणिज्य संघहरु बिच सम्बन्ध जोडदै एक संघले अर्को संघलाई सहयोग गर्ने परम्परा बसाल्नु पर्ने धारणा राखेका थिए ।

जग्गा दाता नेपाल उद्योग बाणिज्य संघका निवर्तमान केन्द्रिय अध्यक्ष भवनानी राणाले निशुल्क रुपमा दान गरेका एक कठ्ठा जग्गामा रु २९ लाखको लागतमा ४ कोठे भवनको डि.पि.आर बनेको संघका महासचिब रबिन्द्र रावलले जानकारी दिए ।

उद्योग बाणिज्य संघ बढैयातालका अध्यक्ष बालकृष्ण लामिछानेको अध्यक्षतामा भएको कार्यक्रममा प्रमुख प्रशासकीय अधिकृत अर्जुन सुबेदी ,उद्योग बाणिज्य संघ जिल्ला समान्वय समितिका अध्यक्ष बिर बहादुर चौधरी , उद्योग बाणिज्य संघ मधुवनका अध्यक्ष देबेन्द्र तिमिल्सिना , राजापुरका अध्यक्ष कृष्ण रेग्मी , स्थानिय उद्योगि ब्यापारी,संघ सस्थाका प्रतिनिधि र जन प्रतितिनिधिहरुको सहभागिता रहेको थियो ।