बर्दिया, बैशाख ३(फरकसमाचार)

गुलरियाको कवर्डहल मैदानमा सुरु हुन थालेको १२ औं राष्ट्रपति रनिङ शिल्ड खेलकुद प्रतियोगिता बैशाख चार गते देखि सुरु हुने भएको छ । जिल्ला स्तरिय राष्ट्रपति रनिङ शिल्ड खेलकुद प्रतियोगिताको तयारी अन्तिम चरणमा पुगेको छ ।

राष्ट्रपति रनिङशिल्ड उद्घाटन जिल्ला समन्वय समितिका प्रमुख शंकर थारुले गर्दैछन् । खेल मैदान व्यवस्थापन र अन्य क्रियाकलापका लागि अन्तिम तयारीको काम भईरहेको आयोजक बिद्यालय कोटहि माबिका प्रअ ज्ञानेन्द्र रावलले जानकारी दिए । समग्र खेलकुद क्षेत्रको विकास गर्ने उदेश्य र लक्ष्य सहित राष्ट्रपति रनिङशिल्ड प्रतियोगिता आयोजना गर्न थालिएको छ ।

प्रतियोगितामा हुने प्रतिस्पर्धाबाट राम्रो खेलाडीको छनोट हुने विश्वास आयोजकको छ । राष्ट्रपति रनिङशिल्ड प्रतियोगितामा एथलेटिक्स, कबड्डी, भलिबल, तेक्यान्डो, कराते, उसु लगायतका खेलको प्रतिस्पर्धा हुनेछ ।

राष्ट्रपति रनिङशिल्ड प्रतियोगितामा जिल्ला भरिका ८ वटा स्थानीय तहका माध्यामिक विद्यालय सहभागी हुनेछन् ।

बिजेता बिद्यालयले एथलेटिक्समा १३ स्वर्ण पदक, १३ रजत र काश्य पदक हात पार्ने छन् । भलिबल प्रतियोगितामा छात्र र छात्रा बिच प्रतिस्पर्धा गराईनेछ । बिजेताले दुई वटा स्वर्ण ,रजत र काश्य पदक हात पार्नेछन् । मार्शल आर्ट उसु पनि छात्र रछात्रा बिच प्रतिस्पर्धा हुनेछ । बिजेताले ८ स्वर्ण, ६ रजत र ६ काश्य पदकका लागि प्रतिस्पर्धा गर्नेछ । राष्ट्रपति रनिङशिल्डको तयारी अन्तिम चरणमा ६ काश्य पदक जित्नेछन् । कबड्डीको प्रतिस्पर्धामा दुई स्वर्ण, दुई रजत र ४ काश्य जित्नेछन् । यस्तै गरी कराते र ट्याक्यान्डो प्रतियोगिता हुनेछ । करातेको बिजेताले ४ स्वर्ण, ४ रजत र ८ काश्य प्रबन्ध मिलाइएको छ भने ट्याक्यान्डो प्रतिस्पर्धाको बिजेताले ६ स्वर्ण, ६ रजत र ९ काश्य जित्ने छ ।
‘जिल्लाको ठूलो हिस्सा नै यस प्रतियोगितामा सहभागी हुन थालेको छ,’पत्रकार सम्मेलनमा रावलले भने,‘यस प्रतियोगिताबाट राम्रा खेलाडीको छनोट हुने आयोजकले बिश्वास लिएको ’ उनका अनुसार चिन्ह र ट्रयाक खन्ने काम सकिएको छ ।

प्रतियोगितामा छात्र, छात्रा र प्रशिक्षक गरी एक हजार जना सहभागी हुनेछन् । आयोजक कोटहि मााविका स्कुले विद्यार्थीलाई मार्चपासका लागी सेनाले प्रशिक्षण दिईरहेको छ ।

खेलमा सहभागी हुनेलाई छात्र र छात्रालाई सम्बन्धि पालिका आवासको प्रबन्ध गरेको छ ।
मानवको अभिन्न अंग जस्तै खेल बनिरहेको बेला र जिवन उपयोगि गराउनका लागि खेल महत्वपुर्ण भएकाले राष्ट्रपति रनिङशिल्ड आयोजना गरिएको प्रअ रावलले बताए । ४ गते बाट शुरु हुने प्रतियोगिता ६ गते सम्म चल्नेछ । जिल्ला स्तरिय राष्ट्रपति रनिङ शिल्ड खेलकुद प्रतियोगिता व्यबस्थापन र निर्देशन समतिको अन्डरमा प्रतियोगिता सम्पन्न हुनेछ ।