रुकुम (पूर्व), वैशाख २४ : रुकुम (पूर्व) को सिस्ने गाउँपालिकाले कोरोना जाँचका लागि पिपिई र थर्मल गनसहित थप स्वास्थ्य सामग्री ल्याएको छ । पछिल्लो चरणमा प्रदेश नम्बर ५ मा कोरोना संक्रमित वृद्धि हुन थालेपछि कोरोना जाँचलाई फराकिलो बनाउन गाउँपालिकाले थप स्वास्थ्य सामग्री ल्याएको हो ।

बीस थान पिपिइ, १० थान थर्मल गन, दश हजार थान सर्जिकल मास्क, दुई सय थान एन नाइन्टी फाइभ मास्क र ६० वटा सेनिटाइजर ल्याइएको गाउँपालिका अध्यक्ष कुमारी बरालले जानकारी दिए । यसैगरी गाउँपालिकालाई रुकुम (पश्चिम) का प्रतिनिधिसभा सदस्य जनार्दन शर्माले थप तीन थान पिपिई उपलब्ध गराए ।

प्रदेश नम्बर ५ मा देखिएको कोरोना जोखिमलाई ध्यानमा राखी उहाँले गाउँपालिकालाई व्यक्तिगन सुरक्षा उपकरण सहयोग गरेका हुन ।