आइतबार, बैशाख ०७, २०७७
मा प्रकाशित
0
Shares
नयाँ दिल्ली, वैशाख ७ : भारतमा पछिल्लो समय कोरोना संक्रमितको संख्या बढिरहेको छ। यो समाचार तयार पार्दासम्म हालसम्म कोरोना संक्रमितको संख्या १६ हजार ११६ पुगेको छ । मृत्यु हुनेको संख्या ५१९ पुगेको जनाइएको छ ।
संक्रमितमध्ये २ हजार ३०१ जना उपचार गरेर अस्पतालबाट डिस्चार्ज भएका छन।
भारतको लोकसभा सचिवालयमा सोमबारदेखि काम थालिने
भारतको लोकसभा सचिवालयले आगामी सोमबारदेखि काम शुरु गर्ने जनाएको छ । कोरोनाभाइरसको सङ्क्रमणका कारण गत मार्चको अन्तिम हप्तादेखि काम गर्न नसकेको सचिवालयले आगामी सोमबारदेखि काम गर्ने भएको हो । भारतको लोकसभा र राज्यसभा गत मार्च २४ देखि बन्द अवस्थामा रहेका छन् ।
लोकसभा सचिवालयले जारी गरेको सूचना अनुसार सचिवालयका सहसचिव वा सोेभन्दा माथिका कर्मचारीहरुले सोमबारदेखि कार्यालयमै आएर काम गर्न थाल्ने छन् । अन्य कर्मचारीहरु पनि पालोपालो गरेर कार्यालयमा हाजिर भएर काम गर्ने सचिवालयले जानकारी दिएको छ । कार्यालयमा काम गर्दा सामाजिक दूरी कायम गर्नु पर्ने लगायतका आधारभूत स्वास्थ्य सतर्कतालाई भने ध्यान दिइने सचिवालयले जनाएको छ ।
कार्यालयका फाइलहरु विद्युतीय माध्यमबाट मात्रै आदानप्रदान गर्ने व्यवस्था पनि गरिने भएको छ ।
