ठप्प पार्न मात्र हाईन, प्रभावमा पार्न बन्द आह्वान गरेको हो : नगर अध्यक्ष ढकाल

बर्दिया, माघ २३ /  प्रचण्ड–नेपाल पक्षको नेकपाले आह्वान गरेको आम हडतालले बिहिबार जिल्लाको सर्वत्र क्षेत्र अस्तव्यस्त बन्यो । यातायात क्षेत्र पुर्ण रुपमा ठप्प भयो भने अन्य व्यवासायिक आंशिक रुपमा बन्द भए ।

लुम्बिनी प्रदेशको १२ वटा जिल्ला बन्दको प्रभााव देखियो । बन्दआह्वन कर्ता भने ठप्प पार्नका लागि बन्द आह्वान नगरेर प्रभाव देखाउँनका लागि बन्द आह्वान सफल भएको प्रतिक्रिया दिएका छन् । बन्दको प्रभाव नपर्ने आँकलन गरिएपनि बर्दिया स्वतस्फुर्तमा रुपमा बन्दलाई समर्थन गरेको देखियो ।

बन्द प्रभावकारी बनाउन प्रचण्ड–नेपाल पक्षका कार्यकर्ताहरूले जिल्लाको मूख्य–मूख्य चोकमा झुण्ड बनाएर आवागमन रोकिरहेका थिए भने सानो सानो समूह बनाएर छुट्टाछुट्टै प्रदर्शन पनि गरेका थिए । प्रदर्शनकारीले सरकार विरोधी नारा लगाएका थिए ।

बर्दियामा संघर्ष समितिका अध्यक्ष लक्ष्मी प्रसाद सर्मा , नगर अध्यक्ष गहेन्द्र ढकालल लगायतले बन्द गराउँदै हिँडेका थिए ।
यस्तै बर्दियाका अधिकांश नेपालगन्ज रोड लगायतमा बाटोमा गाडी टेर्साएर सडक अवरुद्ध पारेका थिए । आन्दोलनकारीले एम्बुलेन्स, परिक्षार्थी बोकेका सवारी, दुध बोक्ने गाडी तथा बिरामीहरु बोकेका सवारीहरू भने सोधपुछ गरेर छाडेका थिए ।

केहि स्थानमा टायर समेत बालिएको छ भने बुधबार गन्तब्यका लागि हिँडेका बसहरुलाई समेत गन्तब्य पुग्न नदिई सडकमा रोकिएको थियो ।
मुख्य सडकमा बन्दकर्ताहरुले कडाई गरेपनि सडकहरु भने सञ्चालनमा थिए । पसलहरु पनि आँसिकरुपमा खुलेका थिए ।

ठप्प पार्न बन्द आह्वान नगरिएको गुलरिया नगरपालिका संघर्ष समितिका अध्यक्ष गेहेन्द्र ढकालले बताए । ‘ठप्प पार्न मात्र नभई जनताले स्वतस्फुर्त रुपमा बन्द समर्थन गर्ने हुन वा होईन हेर्न थियो’ उनले भने,‘हामीले जनताले गरेको स्वतस्फुर्त समर्थ बन्द आह्वान सफल भयो ।’