सामुहिक बलात्कारको दोषी उम्कने हुन कि भन्ने स्थानीयलाई चिन्ता

बारबर्दियाकि एक बालिकाको भारतमा सामुहिक बलात्कार पछि हत्या भएको घटनामा सीमावर्तीमा रहेका जिल्ला प्रशासन कार्यालय रौतहट र बर्दिया अपराधीले उन्मुक्ति हुन नदिन भारतीय पक्षसँग निरन्तर समन्वय र सुचनाका आदान–प्रदान मार्फत जोडिरहेको छ । प्रजिअ : लिलाधर अधिकारी

बर्दिया, माघ २९ (फरकसमाचार) भारतको बिहारमा सामुहिक बलात्कारपछि हत्या भएको घटना संलग्न अपराधको विषयमा स्थानीय चिन्तित भएका छन् । घटनामा संलग्नलाई कडा भन्दा कडा सजायको माग गरेका पिडित परिवार अपराधी उम्कने हुन कि भन्ने विषयमा चिन्तित भएका हुन । रोजगारीका लागि भारतको बिहार पुगेका परिवारको बालिकाको सामुहिक बलात्कार पछि हत्या भएका घटनालाई स्थानीय भारतीय प्रहरी मिलिमतोमा प्रमाण नष्ट गरेको घटना बाहिर आए पछि नेपाल बस्ने आफन्त र स्थानीय यतिबेला त्रसित छन् ।

पिडित परिवार न्यायको खोजीमा यतिखेर भारतका सरकारी निकाय र अधिकार कर्मीको घर दैलोमा पिडित पक्ष पुगिरहेका छन् । यस्तो अवस्थामा पिडित परिवार सुरक्षाको ग्यारेन्टी समेत गर्न स्थानीय प्रशासन समक्ष माग गरेका छन् । बुधवार जिल्ला प्रशासन,बर्दिया पिडित मृतकको भिनाजु नर वहादुर विकले प्रजिअ समक्ष घटनाको बारेमा जानकारी गराएका छन् ।

भारतीय पक्षले सामुहिक बलात्कार पछि हत्या भएको घटनाको भारतीय पक्षले गम्भीर रुपमा अनुसन्धान गरिहरको उनले जानकारी गराए । भारतीय पक्षले अघि बढाएको अनुसन्धान पछि स्थानीय ईन्चार्जलाई निलम्बन र दुई जना दोषी नियन्त्रणमा लिईसकेको उनले जानकारी दिए । गत असोज बारबर्दियाकि वडा नं ६ को एक विद्यालयमा अध्यनरत १२ वर्षिय नाम परिवर्तित आमा बुवासँगै भारतको बिहार राज्यको बिहारको मोतिहारीस्थित कुन्डवा चैनपुरमा पुगेकि थिईन । भारतको बिहारमा उनका बुवा बजारको चौकिदारी गर्थे ।

घटना अघि मृतकको आमा बारबर्दिया फर्केकि थिईन । एक्लै घरमा बसेको अवस्थामा सामुहिक बलात्कार पछि डोरीले कसेर हत्या गरेको खुलेको छ । स्थानीय प्रहरीको मिलिमतोमा बालिकाको शव घटनाको रात नै दाहसंस्कारको नाममा प्रमाण नष्ट गरेको समेत पुष्टि भएको छ । पिडित मृतकका भिनाजुको अग्रसरता उक्त केश उल्टिए घटनामा संलग्न प्रहरीलाई निलम्बन गरिएको छ भने अपराधमा संल्लग्न भारतीय प्रहरीले खोजी गरिरहेको छ ।

माघ ८ गते भने घरमा कोहि नभएको मौकामा बालिकाको सामुहिक बलात्कार पछि हत्या भएको थियो । बर्दिया र रौतहट प्रशासनले अपराधीलाई उम्कन नदिन पहल गरिरहेको प्रमुख जिल्ला अधिकारी लिलाधर अधिकारीले बताए । उनका अनुसार प्रशासन मृतकका परिवारसँग नियमित सम्र्पकमा रहेको छ ।

भारतीय पक्षले गरिहरको अनुसन्धानमा सहयोगी भुमिकामा प्रशासनले गरिरहेको छ । ‘पिडित परिवार सदस्य तथा भिनाजुसँग मेरो पनि भेट भयोे,’प्रजिअ अधिकारीले भने,‘जिल्ला प्रशासन कार्यालय रौतहट र बर्दियाले यस घटनालाई गम्भिरता पूर्वक लिएको छ ।’ गृह मन्त्रालय समेत सामुहिक बलात्कार पछि हत्या भएको घटना गम्भीर रुपमा लिएको समेत प्रजिअ अधिकारीले जानकारी गराए ।