बुधबार, फागुन २६, २०७७
मा प्रकाशित
0
Shares
काठमाडौं
प्रतिनिधि सभाको बैठक आज बस्दैछ ।
यही फागुन २३ गते सूचना टाँसेर बन्द भएको बैठक आज दिउँसो १ बजे बस्ने कार्यक्रम छ ।
सर्वोच्च अदालतले नेकपाको नाम खारेज गरेसँगै देखिएको नयाँ राजनीतिक घटनाक्रमपछि बस्न लागेको यो बैठकमा नेकपा
माओवादी केन्द्रका सांसदहरुको सिट व्यवस्थापनमा संसद सचिवालयले केही हेरफेर गरेको छ ।
संसद सचिवालयका अनुसार नेकपा माओवादीले सरकारलाई दिएको समर्थन फिर्ता नगरेपनि सत्तापक्षसँगै नबस्ने गरी सिटको व्यवस्था मिलाइएको छ ।
सचिवालयका प्रवक्ता डाक्टर रोजनाथ पाण्डेका अनुसार माओवादी केन्द्रका सांसदहरुका लागि अलगै लहरको ब्यवस्था गरिएको छ ।
निर्वाचन आयोगले नेकपा एमाले र नेकपा माओवादी केन्द्र अलग अलग पार्टी भएको पत्र संसद सचिवालयमा पठाएपछि
संसद सचिवालयले सिटहरुको नयाँ व्यवस्थापन गरेको हो ।।
