बर्दिया, असोज १३ (फरकसमाचार) / लागु औषध ब्राउन सुगर मुद्दाका फरार कसुरदारलाई प्रहरीले मंगलबार पक्राउ गरेको छ ।
प्रहरीले गुलरिया नगरपालिका–१० बस्ने सुरेन्द्र कुमार थारुलाई पक्राउ गरेको हो । जिल्ला अदालतले ०७७ माघ १२ गते थारुलाई लागु औषध ब्राउन सुगर मुद्दामा ९ महिना १३ दिन कैद सजाय तोकेको थियो ।
अदालतले सजाय तोकेको दिन देखि थारु फरार रहेका थिए । जिल्ला प्रहरी कार्यालयबाट खटिएका प्रहरी टोलीले खोजतलास गर्ने क्रममा थारुलाई पक्राउ गरी सजाय भुक्तान गर्न अदालतमा बुझाएको प्रहरी निरीक्षक गोपाल पौडेलले जानकारी दिए ।