वार्षिक समिक्षा कार्यक्रममा उप–प्रमुख थारुको असन्तुष्टि

भदौ १०, २०७८

फरकसमाचार


राम प्रसाद चौहान

बर्दिया, भदौ १०

ठाकुरबाबा नगरपालिकाले आयोजना गरेको वार्षिक समिक्षा कार्यक्रममा उप–प्रमुख कृष्णा कुस्मा थारुले असन्तुष्टि जनाएकी छन् । समिक्षा कार्यक्रममा बोल्दै उप–प्रमुख थारुले काम र कार्यक्रमको बारेमा आफुलाई जानकारी नदिएको नगर प्रमुख श्रेष्ठ र प्रमुख प्रशासकीय अधिकृत रामहरि रिजाललाई आरोप लगाएकी हुन् ।

नगर प्रमुख श्रेष्ठले कार्यक्रमको बारेमा आफुसंग समन्वय नगरेको जिकिर गरिन् । नगरपालिकाले गर्न लागेको कामको बारेमा कर्मचारीले पनि आफुसंग समन्वय नगर्दा दुखी भएको बताईन् ।

आगामी दिनमा यस्ता गतिविधि नदो¥याउन नगर प्रमुखलाई आग्रहसमेत गरिन् । संचारकर्मीले भष्टाचारको कुरा उठाउँदा सरकारको सबै तहमा नितिगत भष्टाचार रहेको बताईन् । १० रुपियाको सामानमा १२ रुपियाको बिल आउने गरेको बताईन् ।

उनले भनिन्, ‘कागजी रुपमा बिल भरपाई मिलाई प्रक्रिया पु¥याई नितिगत भष्टाचार भईरहेको शंका लाग्छ, तर कहाँ मुद्दा हाल्न जाउँ, आफुलाई थाहा नभएको थाहा भएको भए आफैले कति मुद्दा हाल्ने बताईन् ।’ उनका अनुसार ‘नितिगत भष्टाचार छ यसलाई रोक्न सकेका छैनौं तर रोक्न प्रयास गरेको बताईन् ।’ नितिगत भष्टाचार रोक्न आमनागरिक देखि सबैको भुमिका रहने बताईन् ।

नगरपालिकाले बनाएको २० वर्षे गुरु योजनालाई पछ्याउदै विकास र सुशासनको स्पष्ट मार्ग चित्र तयार गरी विकासको अभियानमा अघि बढेको नगर प्रमुख घननारायण श्रेष्ठले बताए । आफु निर्वाचित भएर आए देखि संस्थागत र नितिगत विकासमा उल्लेखनियम भुमिका खेलेको बताए ।

उनका अनुसार ठाकुरबाबा नगरपालिकाले ४० वटा नितिनियम बनाएर व्यवस्थित गरेको छ । यस नगरपालिका अन्र्तगत बर्दिया राष्ट्रिय निकुञ्ज रहेकोले छ । पर्यटन क्षेत्रलाई प्रवद्र्धन गर्न सके रोजगारीको सिर्जना हुने बताए । पर्यटन प्रवद्र्धनका लागि नगरपालिकाले गत वर्ष प्रचार प्रसार गरेको बताए । यस वर्ष पनि नगरपालिकाले पर्यटन प्रवद्र्धनका लागि व्यापाक प्रचार प्रसार गर्ने नितिगत योजना रहेको बताए । राष्ट्रिय निकुञ्जले हामीलाई फाइदा भएको छ भने अर्कोतिर चुनौती रहेको उनले बताए ।

बन्यजन्तुले निकुञ्ज क्षेत्रका खेतबारीका बाली नोक्सान गर्नुका साथै समय समयमा नगरवासीहरुको ज्यानसमेत लिने गरेको उनको भनाई छ । शैक्षिक क्षेत्रको विकासका लागि चिल्ड ड्रिम प्रोजेक्ट चलाएको बताए । ३ लाख ५० हजारको लागानीमा ११ वटा विद्यालयमा स्मार्ट बोर्ड जडान गरिएको जानकारी दिए ।

ठाकुरबाबा नगरपालिकाले गत आर्थिक वर्षको समिक्षा तथा सार्वजनिक सुनुवाई कार्यक्रम मंगलबार गरेको छ । गत वर्षमा नगरपालिकाले निर्माण गरेको ५ नम्बर वडाको भवन, बिउ बैंक, बाटोघाटो, निर्माणधिन १५ बेडको अस्पताल, पिकनिक स्थल र कृषि तर्फ बाख्रा पालनको अनुगमन गरिएको हो । अनुगमन पश्चात गत वर्ष नगरपालिकाले सम्पन्न गरेको कार्यक्रमको प्रगति विवरण निर्वाचित जनप्रतिनिधि तथा संचारकर्मी माँझ प्रस्तुत गरिएको हो ।

कार्यक्रममा प्रमुख प्रशासकीय अधिकृत रिजालले गत वर्ष नगरपालिकाले गरेको काम र चालु आर्थिक वर्षका कार्यक्रम योजना प्रस्तुत गरेका थिए । ठाकुरबाबा नगरपालिकाको चालु आर्थिक वर्षको बजेट रु ७५ करोड ७४ लाख ३१ हजार ३ सय २४ रहेको छ । जसमध्ये चालु तर्फ रु ३८ करोड २० लाख ९८ हजार ७ सय ९७ र पुँजीगततर्फ रु ३७ करोड ५३ लाख ३२ हजार ५ सय २७ रहेको छ ।