काठमाडाैं, साउन २९ : यस वर्षको ‘चैत्यदेवी सिंह पुरस्कार’ हाँस्य जोडी मदनकृष्ण श्रेष्ठ र हरिवंश आचार्यलाई प्रदान गरिएको छ । भुवन चैत्य बसुन्धरा फाउन्डेशनले हरेक बर्ष यो पुरस्कार प्रदान गर्दै आएको छ । काठमाडाैंमा सामान्य कार्यक्रमको आयोजना गर्दै मह जोडीलाई नगद ५१ हजार सहित सम्मान पत्र हस्तान्तरण गरिएको थियो ।

मह जोडीलाई लामो समयदेखि कला क्षेत्रमा योगदान पुर्याएको भन्दै पुरस्कार प्रदान गरिएको हो । कोरोनाका कारण भीड गरेर कार्यक्रम नगरेको भन्दै आयोजकले सामान्य कार्यक्रम गर्दै पुरस्कार हस्तान्तरण गरेको हो । कोरोनाका कारण चलचित्र तथा सांगीतिक दुनियाँका कार्यक्रमहरु लामो समयदेखि आयोजना हुन सकेका छैनन् ।

तस्बिर : प्रकाश ढकाल